Umukandara w’umukara wa Putin yamaze kuwamburwa na taekwondo, ibihano bikomeje kwisukiranya

Perezida w’uburusiya Vladimir Putin yamaze kuwamburwa umukandara yari afite w’umukara yakoreye mu mukino wa Taekwondo kubera ikibazo cy’intambara yatangije ku gihugu cya Ukraine.

Vladimir Putin nyuma y’uko ateye Ukraine yashinjwe ibyaha na mugenzi we wa Ukraine Vladimir Zelensky, ibyaha bigendanye n’intambara nyuma y’uko atangije intambara mu ku wa Kane washize.

Nyuma y’uko Umujyi wa Kharkiv utangiriwemo ibitero by’intambara, uburusiya ndetse na Putin bakomeje kwakira ibihano bigiye bitandukanye babihawe n’ibihugu by’uburayi ndetse yewe no muri Sport bikaba byarahagaze.

Ishyiramwe ry’umukino wa Taekwondo na Judo kwisi bakaba bafashe umwanzuro wo guhagarikira umukandara w’umukara yari afite muri uyu mukino.

Uyu mukandara w’umukara ukaba ufite Dani ikenda yawuhawe mu mwaka wa 2013.

Uyu mwanzuro wa Taekwondo ukaba uje nyuma y’uko Federasiyo ya Judo ku Isi yambuye umwanya Putin yari afite nka perezida w’icyubahiro ndetse na ambasaderi w’uyu mukino ku Isi.

Taekwondo ikaba ivuga ko uyu mwanzuro uri mu buryo bwo kugaragaza ko wifatanyije n’abatuye Ukraine ndetse bikaba byagaragaye ko Taekwondo idashyigikiye ibyo Putin yakoze ashoza urugamba.