Umujyi wa Kigali wabijemo! Kugurisha amatike yo kureba umukino wo Rayon Sports na Al Hilal Benghazi hajemo kidobya – Ibaruwa

Nyuma y’iminsi Rayon Sports itangaje ko amatike yo kwinjira ku mukino wo kwishyura uzayihuza na Al Hilal Benghazi ari kugurishwa binyuze kuri *720#.

Umujyi wa Kigali wandikiye Rayon Sports bayimenyesha ko bahawe Kigali Pele Stadium ko ariko basabwa kuzagurishiriza amatike kuri *939* ya Urid isanzwe igurishirizwaho amatike ya shampiyona.

Iyi *939# ni nayo APR FC yakoresheje ubwo yagurishaga amatike bakiriye Pyramids muri CAF Champions League.

Gusa mu masezerano Urid yagiranye na FERWAFA muri 2022 abemerera kugurisha amatike ku mikino yateguwe na FERWAFA.

Amakuru ava muri Rayon Sports avuga ko batajya banyurwa n’amafaranga bahabwa muri shampiyona kuko aba ari make bagereranyije n’ayo babona iyo bakoresheje *702#.

*702# ni ibya Rayon Sports nako gakora nka *939#, akarusho ni uko amafaranga abonetse Rayon Sports iyatwara yose ariko kuri *939# havaho 10% ahabwa URID.

Nubwo umujyi Kigali yasabye Rayon Sports gukoresha *939# ya URID mu mukino utateguwe na FERWAFA bivugwa ko Umujyi wa Kigali utajya wizera amafaranga berekwa na Rayon Sports bagurishije amatike.

Gusa muri uyu mwaka gukoresha *702# kakoreshejwe ku mikino yabereye kuri KPS yateguwe na Rayon Sports haba uwa Vital’o, Gorilla na Rayon Day.