Umujura w’i Kigali ufite amayeri ateye ubwoba akomeje kuba akumiro

Abatuye mu mujyi wa Kigali bakomeje gutangarira umusore w’umujura wadukanye amayeri adasanzwe akoresha iyo bamutaye muri yombi aho ahita yiyituma mu ruhame kugirango bamurekure.Abaturage bo mu Murenge wa Kimisagara n’abakorera Nyabugogo batangarije igihe dukesha iyi nkuru ko uyu musore asanganywe aya mayeri kuko buri gihe iyo yibye agafatwa atangira kwiyitumaho kugira ngo bamurekure.

Biziyaremye Innocent yagize ati “Arinera da, iyo buri gihe bamufashe atangira kwituma noneho inzego z’umutekano zikamurekura kuko birazicanga.”

Uwamahirwe Marie Claire, nawe yemeza ko yatangiye kwituma akimara gufatirwa mu cyuho amaze kwiba.Yagize ati “Umva ni umutekamutwe ukomeye cyane kandi ni umujura ukomeye uzwi gusa igitangaza abantu n’uko gihe iyo bamafashe amaze kwiba ahita atangira kwituma n’abamufunze bakamufungura.”

Uyu musore bivugwa ko aherutse kwiba telefoni y’umuntu yari ashikuje ahazwi nko ku mashyirahamwe, maze baramufata bamugejeje muri kasho atangira kuhanduza,bitera ikibazo abashinzwe umutekano.