Umuherwekazi Zari The Boss Lady yinjiye mu bantu bari gutegura ubukwe bw’igikomangoma Kyabazinga William Gabula Nadiope IV witegura kurushinga na Jovia Mutesi

Zari Hassan yinjiye mu gikorwa cyo gukusanya inkunga y’ubukwe bw’umusore ukomoka i bwami witwa Kyabazinga William Gabula Nadiope IV witegura kurushinga na Jovia Mutesi.

Ku wa gatatu, tariki ya 25 Ukwakira, Zari yagaragaje ikarita y’ubutumire mu gikorwa cyo gukusanya inkunga kizabera ahitwa Kololo Ceremonial Grounds muri Zolo. Ubukwe bwa cyami bwa Busoga buteganijwe ku ya 11 Ugushyingo.

Ku wa gatanu, tariki ya 22 Nzeri 2023, Minisitiri w’intebe wungirije wa mbere, Rebecca Kadaga, yatangije gahunda yo gukusanya inkunga y’ubukwe bwa cyami buteganijwe, kuba mu mpera zuyu mwaka.

Kyabazinga, William Gabula Nadiope IV ni igikomangoma mu bwami bwa Busoga muri Uganda, agiye gusezerana na Mutesi Jovia nawe ukomoka i Busoga.

Nk’uko umuvugizi mukuru w’umuryango, David Igulu abitangaza ngo ibi bituruka ku kuba abatware b’imiryango bafatwa nkababyeyi ba Kyabazinga mu muco wa Basoga. Ubwami bwa Busoga bugizwe n’imiryango igera kuri 200.