Aphrodis Nizeyimana
Umuhanzikazi Marina Deborah ukunzwe cyane hano mu Rwanda ndetse wamaze no kwigarurira imitima ya benshi hirya no hino ku Isi yatanze ubutumwa bw’ihumure ku babyeyi biciwe abana urwagashinyaguro muri Jenoside yakorewe Abatutsi muri Mata 1994.
Marina ubwo yaganiraga ni Inyarwanda.com dukesha iyi nkuru yagize ati:” Hora mubyeyi wowe waburiye ibibondo muri Jenoside yakorewe Abatutsi mu 1994. Warababajwe ushengurwa n’agahinda, ariko igihe ni iki ngo ubeho wongere ubeho intimba wagize, guhangayika humura ntibizongera turahari turagushikiye turi imbaraga zawe, komera wiyubake ntibizongera ukundi”.
Umuhanzi Marina akomeza kwihanganisha ababyeyi babuze abana kandi barabye bitewe na Jenoside yakorewe Abatutsi abasaba gukomera bagakomeza kwiyubaka ndetse abizeza ko Jenoside yakorewe Abatutsi itazasubira ukundi asoza agira ati:” Twibuke Twiyubaka”.
