Umuhanzikazi Fearless urembeye mu bitaro yatangiye gucyeka ko arwaye amarozi

Umuraperikazi Fearless urembeye mu bitaro yatangiye gucyeka ko arembejwe n’amarozi kubera ko buri uko yeguye umutwe muri muzika ahita arwara.

Abinyujije ku mbuga nkoranyambaga ze, Fearless yagize ati “Mwiriwe bakunzi banjye maze iminsi itatu ndi mu bitaro, ni amakuru mabi, nanjye ndababaye pe, gusa mwemere amarozi ariho ariko Imana iturinda byinshi.”

Akomeza agira ati “Ejo bundi nagiye mu kuganiro ku Izuba TV, ngeze mu rugo ntangira kuribwa mu nda bikomeye mbona kujya kwa muganga. Kugeza ubu abaganga babuze indwara kandi nkomeje kuremba.”

Uyu muraperikazi kandi yavuze ko hari abanyamasengesho baherutse kumusengera bamubwira ko yarozwe.

Fearless warembejwe n’ubu burwayi kuva mu mwaka ushize avuga ko hamwe n’Imana ashobora gukira ndetse akitabira igitaramo cya Kigali Hip Hop Festival giteganyijwe ku wa 27 Kanama 2022.