HARAGIRIMANA Dieudonne
Umuhanzi Yvan Buravan witabye Imana tariki 17 Kanama 2022 yashyinguwe kuri uyu wa Gatatu mu irimbi rya Rusororo, asezerwaho nk’umuhanzi wabaye icyitegererezo.
Ni umuhango wabimburiwe n’amasengesho yabereye mu rusengero rwa EAR Remera, ayobowe na Pasiteri Antoinne Rutayisire.
Abantu benshi bari buzuye urusengero baje guherekeza inshuti, umuvandimwe, umwana, umuhanzi wabo bakundaga.
Mu rusengero hatanzwe ubuhamya, havugwa amateka ye, ndetse higishwa ijambo ry’Imana rihumuriza abasigaye no kubahwiturira gukurikira inzira Yvan Buravan yacagamo.
