HARAGIRIMANA Dieudonne
Umuririmbyi Burabyo Yvan wamamaye ku mazina y’ubuhanzi nka Yvan Buravan ubu magingo aya yamaze gusubira mu inzu itunganyiriwamo umuziki izwi nka New Level. Ni nyuma y’igihe asezeye ku mpamvu impande zombi birinze kubwira itangazamakuru. Uyu musore w’imyaka 22 y’amavuko yari amaze igihe yarasezeye muri Rebel ya New Level yamufashaga gutunganya amajwi n’amashusho y’ibihangano bye ariki yongeye kwisubira yemera kongera gukorana nabo nkuko mbere byari bimeza.
Muri Gicurasi 2017 nibwo Yvan Buravan n’ubuyobozi bwa New Level batangaje ko bahagaritse imikorere bari bafatanyije. Birinze kugira byinshi batangaza bavuga ko ari amasezerano yumvikanyweho na buri umwe.
Yvan Buravan yavuye muri New Level bari baherutse ku mukorera indirimbo ya “Just Dance Remix” yakoranye n’ umuraperi AY wo muri Tanzania. Yanditse kuri Instagram avuga ko yasubiye mu nzu yamufashaga ya New Level.
Nkuko Yvan Buravan yabitangaje mu magambo ye bwite yagize ati “Hari hashize igihe nsa nk’uwataye urugo ariko ubu ndangirango menyeshe inshuti, abavandimwe ndetse n’ abafana banjye ko nagarutse mu rugo arirwo ‘ New Level’. Yungamo ati “Umugabo ni utembera Isi afite icyo ashaka ariko iyo amaze ku kigeraho biba ngombwa ko agaruka mu rugo ukakibyazamo umusaruro utubutse”.
