THIERRY Mugiraneza
Karim Kharbouch wamamaye mu muziki nka French Montana yasohoye indirimbo yakoreye ikipe ya Morocco bitewe n’ibyo yagezeyo mu gikombe cy’isi.
Ikipe y’igihugu ya Morocco yakoze amateka akomeye mu mikino y’igikombe cy’isi uyu mwaka kuko yabashije kugera muri 1/2 ibintu bitari byarigeze bibaho mu makipe y’Afurika.
Morocco yandagaje ibihugu bikomeye mu mikino y’igikombe cy’isi harimo Ububirigi, Canada, Espagne nà Portugal, n’ubwo Morocco yatsinzwe n’Ubufaransa muri 1/2 ibitego bibiri ku busa Abantu benshi bakomeje kwerekena ko batewe ishema nayo.
French Montana umuhanzi ukorera umuziki we muri Leta zunze Ubumwe z’Amerika yasohoye indirimbo yakoreye ikipe ya Morocco iyisingiza bitewe n’ibyo yakoze mu gikombe cy’isi.Impamvu French Montana yatanze yatumye asohora iyo ndirimbo ngo n’uko atewe ishema na Morocco dore ko arinaho akomoka.
