M.Ben
Umuraperi Rikhado Muziwendlovu Makhado ukomoka muri Afurika y’Epfo, akaba yaramamaye nka Riky Rick, yapfuye yiyahuye.
Ikinyamakuru Sunday World cyatangaje ko uyu musore yiyahuriye mu Majyaruguru y’Umujyi wa Johannesburg aho yari asanzwe atuye.
Hatangajwe ko yasanzwe iwe yimanitse mu mugozi, bikaba bikekwa ko byaturutse ku kibazo gikomeye yari afite cyo kugira agahinda gakabije [depression] yari amaranye iminsi.
Abaganiriye n’iki kinyamakuru baturanye n’uyu murapeli bemezaga ko uyu musore yaje kwiyahura, aho yaje kwiyahura akoresheje umugozi .
Kuva 2022 yatangira ni icyamamare cya kabiri cyiyahuye muri Afurika y’Epfo nyuma ya Patrick Shai wamenyekanye muri sinema muri iki gihugu na we wiyahuye muri Mutarama.
Rikhado yari afite imyaka 34, akaba yaramenyekanye ku yandi mazina muri Afurika y’Epfo arimo Boss Zonke, Master Makhado, Minister of Energy na King Kotini.
