HARAGIRIMANA Dieudonne
Umuhanzi Methuselah wamamaye cyane hano mu Rwanda mu ndirimbo zitandukanye harimo iyitwa Zezenge, Oh Mama ndetse n’iyitwa You and I kuri ubu yamaze gushyira ahagaragara indirimbo ye yise ‘Laila umwana wani’ akomeza gushimangira umwimerere w’umuziki nyarwanda.
Mu kiganiro kirambuye YEGOB yagiranye na Methuselah, twatangiye tumubaza impamvu yahisemo gukora umuziki mu njyana nyarwanda maze adusubiza agira ati: “impamvu nahisemo gukora umuziki mu njyana nyarwanda ni ukongera kugarura injyana nyarwanda mu matwi y’abakunzi b’umuziki nyarwanda kuko byagaragayeko benshi mu bahanzi batakibanda cyane ku njyana nyarwanda mu mitegurire y’umuziki wabo.
Abajijwe ku bijyanye n’iyi ndirimbo ye nshya yise ‘Laila umwana wani’, Methuselah yadusubije mu magambo ye agira ati:’ Iyi ndirimbo nayihimbye mu rwego rwo Gukomeza gushimisha abafana banjye ndetse n’abakunzi b’umuziki nyarwanda muri rusange kuko byagaragaye ko banshyigikiye kandi banteye ingabo mu bitugu muri muzika yanjye. Iyi ni indirimbo nakoze nizeye ko izashimisha abafana banjye ndetse n’abakunzi b’umuziki nyarwanda muri rusange nkaba nanabasaba Gukomeza kunshyigikira bumva indirimbo zanjye ndetse banazisangiza inshuti zabo.
