Umuhanzi Drama T ari kwitegura kuva mu Burundi akigira i Burayi guhiga amafaranga

Umuhanzi Drama T ukunzwe cyane mu gihugu  cy’u Burundi n’u Rwanda bitewe n’ibihangano bye, ari kwitegura kuva mu Burundi akajya i Burayi gutaramirayo.

Uyu muhanzi utari wamara igihe kinini mu muzika agiye kujya gutaramira mu bihugu bitandukanye by’i Burayi.

Biteganyijwe ko ibi bitaramo bye bizatangira mu kwezi kwa Gatanu, aho bizahera mu Bubiligi nyuma akajya mu Bufaransa mu mugi wa Bordeaux.

Si ibyo gusa no mu kwa Karindwi azaba ari muri Canada mu gitaramo azafatanya na Vania Ice.

Ibi bitaramo byose azabifashwamo na Dj Paulin usanzwe afasha abahanzi benshi cyane mu Burundi ndetse akaba yarakoranye na Meddy mu ndirimbo bise On The Low.