Umuhanzi Bwiza muri ibi bihe byo Kwibuka yageneye ubutumwa bukomeye abahanzi ndetse n’urubyiruko

Umuhanzi Bwiza yibukije urubyiruko n’abahanzi bagenzi be ko aribo bafite uruhare mu guharanira ko ibyabaye mu Rwanda bitazongera ukundi.

Mu gihe kuri iki Cyumweru mu Rwanda hatangiye icyumweru cy’icyunamo n’iminsi ijana yo kwibuka ku nahuro ya 30 Jenoside yakorewe Abatutsi, uyu muhanzikazi nawe yatanze ubutumwa akoresheje Instagram ye.

Bwiza ati:”Jenoside yakorewe Abatutsi mu Rwanda mu 1994, yadutwaye ababyeyi, abavandimwe n’inshuti twakundaga cyane.

“Nk’umuhanzi, ndasaba urubyiruko n’abahanzi bagenzi banjye kuzirikana no kwibutsa abadukurikira ko ari twe dufite uruhare mu guharanira ko ibyabaye mu Rwanda bitazongera kuba ukundi.”