Umuhanzi Bushali yavuze igituma atajya atangaza itariki y’amavuko

Umwe mu baraperi bakomeye ndetse bafite izina rihambaye mu mitima y’abantu benshi cyane cyane urubyiruko ni Bushali.

Uyu muraperi Bushali, ubundi amazina ye yiswe n’ababyeyi ni Jean-Paul Hagenimana, akaba ari umwe mu bayoboye mu jyana ya Kinya Trap yanamenyekaniyemo cyane we na mugenzi we B-Threy.

Mu gihe yari mu kiganiro na Ally Soudi bashyize kuri Instagram, yatangaje impamvu we atajya atangaza itariki y’amavuko ye ya nyayo ahubwo avugako yavutse ku 1/1.

Muri icyi cyiganiro yatangaje ko adakunda abantu baza bamutungura bamwifuriza isabukuru nziza ndetse banamukorera ibintu we avugako ari ibya ‘Cyana’.

Yasobanuyeko ko impamvu yagiye kwandikisha ku ndangamuntu 1/1, ari uko kandi yavutse” bitameze neza” nk’uko yabivuze, bigatuma yibeshya no ku itariki yavutseho.

Gusa yatangajeko impamvu ikomeye ari uko atinya ibintu byo kumutungura ndetse n’ibindi bijyana no kwizihiza isabukuru.

Ubungubu Bushali ni umuhanzi w’umuraperi ufute umwana ndetse n’umugore umwe, banakundanye nyuma yuko yari umufana we bikomeye.