Umuhanzi Bably yasezeranye n’umukunzi we bamaranye imyaka myinshi bakundana

Umuraperi Bably yasezeranye imbere y’amategeko mu gihugu cya Suède n’umugore we, Umumararungu Huguette bamaze imyaka 14 bakundana.

Uyu muraperi asezeranye na Umumararungu nyuma y’uko baherutse kubyarana umwana w’umukobwa, wujuje umwaka umwe w’amavuko.

Bably yasezeranye imbere y’amategeko na Umumararungu, nyuma y’uko mu 2020 yari yambitse impeta uyu mukobwa bari bariyemeje kurushinga.

Uyu muraperi asezeranye imbere y’amategeko nyuma y’imyaka itanu akoze ubukwe n’umukobwa witwa Bukuru Husna basezeranye mu 2017, ariko ntibabashe gukomezanya urugendo rw’ubuzima.