Umugore w’imyaka 77 wari ufungiye muri gereza y’abagore yishwe

Umugore w’imyaka 77 witwa Zainabu Aguti wari warakatiwe gufungwa imyaka 19 n’amezi atandatu muri gereza azira kwica umugabo we ,yiciwe muri gereza y’abagore yari afungiwemo nyuma y’ubushyamirane yari agiranye na mugenzi we ubwo barimo bakora amasuku.

Uwishe Zainabu Aguti ni Joan Bainomugisa ndetse bikaba bivugwa ko uyu ari umugore wa kabiri bafunganywe akamwica ,cyane ko mu mwaka wa 2020 nabwo ngo yishe umugore witwa  Betty Nyesigire bari bafunganywe nkuko inkuru dukesha ikinyamakuru AFP ibivuga.

AFP ivuga ko Zainabu Aguti yishwe kuwa gatanu tariki  14 Mata 2023 ,muri gereza y’abagore yitwa  Luzira women prison ,mu gihugu cya Uganda nyuma yo gukubitwa bikamuviramo gukomereka akahasiga ubuzima.