Umugore w’imyaka 50 akurikiranyweho kwica umugabo we amukubise isuka kubera amafaranga yari yamuhaye

Umugore w’imyaka 50 y’amavuko akurikiranyweho kwica umugabo we amukubise isuka.

Uyu mugore akurikiranyweho iki cyaha nyuma yo kwica umugabo we amuziza kunywera amafaranga yari yamuhaye ngo agure amategura

Uyu mugore yahaye umugabo we amafaranga ngo agure amategura nuko umugabo we ayashokana iya kabari

Amakuru avuga ko uyu mugabo yavuye mu kabari yari yagiye kunyweramo, arataha maze umugore we amukubita isuka ahita apfa.

Uyu mugore aramutse ahamijwe iki cyaha akurikiranyweho yahanishwa gufungwa burundu nkuko biteganywa n’itegeko riteganya ibyaha n’ibihano muri rusange mu ngingo yaryo ya 107 ivuga ku bwicanyi buturutse ku bushake n’uko buhanwa, igira iti “Umuntu wica undi abishaka, aba akoze icyaha. Iyo abihamijwe n’urukiko, ahanishwa igihano cy’igifungo cya burundu.”