Umugore wahimbye ko bamushimuse yahanwe bikomeye yireguza ubusazi

Umugore watanze amakuru apfuye ko yashimuswe akaba ari uwo muri leta ya California  yakatiwe gufungwa amezi 18 muri gereza kubera kubeshya ibiro by’iperereza by’imbere muri Amerika, FBI.

Uyu mugore Sherri Papini w’imyaka 39, yaburiwe irengero mu Ugushyingo(11) 2016 nyuma y’uko yari yagiye muri siporo yo kwiruka.

Kuwa mbere, mu rukiko rw’i Sacramento Sherri yasabye imbabazi, avuga ko ahamwa no kubeshya, “n’igisebo”.

Asoma inyandiko yari yateguye yagize ati: “Ndisegura ku bantu benshi nababaje – abantu banyitangiye mu busazi nari ndimo, abantu bitanze ngo bamfashe mu gihe nari nkeneye cyane ubufasha.”

Uyu mugore yemeje Kandi ko afite ubumuga bwo mu mutwe nkuko umwunganira mu mategeko nawe abyemeza.