Umugore wa nyakwigendera Kobe Bryant yahawe akayabo ka za miliyoni z’amadorali y’impozamarira

Umugore wa nyakwigendera Kobe Bryant wari igihangange mu mukino w’intoki wa Basketball, yahawe miliyoni 16 z’amadorali nyuma yo kurega mu rukiko.

Kuri uyu wa Gatatu, tariki 24 Kanama 2022 nibwo abacamanza bahaye uyu mugore wa Kobe miliyoni 16 z’amadorali kubera gusangiza amafoto y’imirambo y’abaguye mu mpanuka ya kajugujugu yahitanye umugabo we n’umwana wabo w’imyaka 13.

Reuters dukesha iyi nkuru ivuga ko Vanessa Bryant, umugore wa Kobe yareze intara ya Los Angeles kwivanga mu buzima bwe bwite. Vanessa yashingije ishami ry’umugenzuzi w’akarere ka Los Angeles n’abashinzwe kuzimya umuriro ko basangije amashusho ateye ubwoba y’impanuka.

Binyuze kuri Vanessa Bryant abandi baguye muri iyo mpanuka umuryango wabo wahawe miliyoni 15 mu gihe Vanessa we yahawe 16, bituma impozamarira iba miliyoni 31.