Geovanis
Kobe Bryant w’imyaka 41 wari umugabo wa Vanessa, yapfiriye mu mpanuka ya kajugujugu ari kumwe n’umukobwa we w’imyaka 13, Gianna Bryant ubwo berekezaga mu myitozo y’uyu mwana w’umukobwa.
Bamwe mu bakozi b’i Los Angeles bashinzwe kurinda umutekano bafashe amafoto ndetse banayashyira hanze bituma umugore wa Kobe Brayant ariwe Vanessa Bryant akomereka kurushaho kubwo kubona urupfu umugabo we n’umukobwa we bapfuye.
Vanessa ati “Ibyo bakoze nta bumuntu burimo.”
Mu mwaka ushize, Los Angeles yemeye gutanga asaga miliyoni 2,5$ nk’indishyi z’akababaro kubera igikorwa bakoze batabifitiye uburenganzira ariko ayatera utwatsi.
Akimara kubona ayo amafoto yavuze ko yahise amererwa nabi ndetse na nyuma yaho akomeza kumukomeretsa.
Ati “Nasohotse niruka mva mu nzu kugira ngo abakobwa banjye batambona. Nashakaga kwiruka nkajya munsi y’umuhanda.Sinshaka na rimwe kubona aya mafoto, ndashaka kwibuka umugabo n’umwana wanjye uko bari bameze mbere yaho.”
