Umugore ubyibushye cyane batwara mu ngorofani arashaka uwamurongora akamuha ibihumbi 200

Umugore witwa Eva Marriam wo mu gihugu cya Tanzania arashaka umugabo cyangwa umusore wamugira umugore ariko akazamuha cy’amashilingi ibihumbi magana abiri.

Uyu mugore w’imyaka 40 y’amavuko avuga ko apima ibiro 140 ngo yavutse ameze nk’abandi bana ariko hashize igihe yaje gufatwa na malaria y’igikatu yaje kumusigira ubumuga bw’amaguru,ariyo mpamvu bamukoreshereje ingorofani agendamo ndetse akagira umuntu umutwara kuko mbere yagendaga yikurura hasi.

Mu buzima bw’urukundo uyu Eva avuga ko yashakanye n’abagabo babiri baratandukana bakaba baramusigiye abana bane.Gusa abo bagabo baramutaye aho abayeho mu buzima bumugoye bwo kurera abana wenyine atunzwe n’ubufasha ahabwa n’abagiraneza.Eva ahamya ko uwamuha amafaranga ibihumbi 200 yakwemera bagashyingiranwa ariko akaba azanywe n’urukundo.

Avuga ko abaturage iyo bamubonye bamukwena bavuga ko azaturika kubera uburyo ari munini.