Umugeni yitabye Imana bitunguranye umusore ahita arongora undi mukobwa ako kanya

Mu gihugu cy’u Buhinde ahitwa Uttar Pradesh habaye ibirori bivanze n’ibyago ubwo mu gihe ubukwe bw’umugabo witwa Mangesh Kumar n’uwo yari yarahisemo ko barushingana, Surabhi, bwari burimbanyije umugeni yafashwe n’indwara y’umutima agapfa amarabira.

Imiryango y’abo bageni yahise itumizaho muganga maze yemeza ko umugeni yashizemo umwuka, iyo miryango ihita yemeranywa ko bahita bashumbusha uyu musore bakamuha undi mugeni.

Muri ubu bukwe bwaberaga Uttar Pradesh, imiryango yanzuye ko umuhango w’ubukwe wakomeza maze umurambo w’umugeni wari umaze gupfa ukaba uryamishijwe mu kindi cyumba kiri aho ubukwe bwaberaga.

Abo mu muryango w’uyu mugeni bavuga ko batabona uko basobanura iby’urwo ruvange rw’ibyago n’ibirori.