Umugeni yahuye n’uruvagusenya mu birori by’ubukwe bwe

Mu gihugu cya Iran haravugwa inkuru y’umugeni warasiwe mu birori bye by’ubukwe nyuma y’uko isasu riyobye.

Uyu mugeni yarashwe mu mutwe n’imbunda bakoresha bahiga nyuma y’uko isasu ryari riyobye rikajya aho ritagenewe.

Madamu Mahvash Leghaei w’imyaka 24, niwe wishwe n’iryo sasu ryayobye, akaba yarashwe n’inshuti y’umugabo yari iri kurasa mu kirere kugira ngo bishimishe muri ibyo birori.

Uyu mushyitsi bivugwa ko ari mubyara w’ umugabo w’uyu mugore warashwe, yarashe amasasu abiri rimwe rifata uyu mugeni atabigambiriye.

Umuvugizi wa polisi, Colonel Mehdi Jokar, yagize ati: “Twakiriye telefoni yihutirwa ivuga ku iraswa ryabereye mu nzu y’ubukwe mu mujyi wa Firuzabad maze abapolisi bahita bahoherezwa.

Nyuma yo kurasa, uyu mugabo yahise aburirwa irengero, gusa ariko Polisi iracyari kumushakisha.

Polisi ivuga ko uyu mugeni akimara kuraswa yahise agwa muri koma, nyuma akaza gupfa mu gihe abandi iri sasu ryakomerekeje bo bameze neza.

Uyu muyobozi wa Polisi yavuze ko kandi abantu bakwiriye kumenya ko kurasa mu bukwe bitewe kandi bihanwa n’amategeko.