Umugambi wa Fc Barcelona mu guhemukira bikomeye ikipe y’i Madrid wamaze gutangira

Nyuma y’imvururu ndetse nimyigaragambyo y’intara ya Catalunya yigometse ku gihugu cya Espagne ndetse bikaza kurangira habaye n’amatora ya kamarampaka, uguhangana k’umurwa mukuru Madrid na Catalunya kwahise kwiyongera kuburyo byageze no mu mupira w’amaguru. Kurubu ikipe ya Fc Barcelona ikaba yamaze kunoa umugambi wo kujya mu ikipe ya Atletico Madrid ikavanamo abakinnyi babiri ku kayabo k’amafaranga.

Amakuru dukesha ikinyamakuru Mundo Deportivo aravuga ko ikie ya Fc Barcelona yashyize ku mbehe amafaranga asaga Miliyoni 250 z’amayero kugirango mu mpeshyi itaha izagure Antoine Griezman na Koke b’ikipe ya Atletico Madrid. Ubusanzwe amafaranga aba bakinnyi bombi bahagazeho(Buyout Close)asaga Miliyoni 220 z’amayero bombi ariko kugirango Fc Barcelona yerekane uburemere bwuko ibashaka ikaba ishaka kubatangaho ariya yavuzwe hejuru. Ikinyamakuru As kiratagaza ko abahagarariye aba bakinnyi bombi bamaze kwemera ubu busabe bwa Fc Barcelona hakaba hategerejwe kureba icyo ikipe ya Atletico izabikoraho.