Umugabo yishe inshuti ye nyuma yo kurota yaryamanye na Fiancé we.

Umugabo wo mu gihugu cya Ghana yatawe muri yombi na Polisi y’icyo gihugu ashinjwa kwica inshuti ye magara ,nyuma yo kurota iyi nshuti ye yaryamanye n’umukunzi we.

Nkuko tubikesha ikinyamakuru Atinkanews ngo uyu mugabo w’imyaka 45 yabonye mu nzozi inshuti ye iryamanye n’umukunzi we maze akagutse azindukira mu rugo rwa ya nshuti ye ayihiga ngo ayice.Yaje kumwirukana amwicira mu gihuru nkuko yabyemereye inzego z’umutekano.

Uwo mugabo yagize ati:“inshuti yanjye nayijyanye mu gihuru,maze mutera icyuma mu mugongo. Yaguye hasi ndabisubiramo kugeza yitabye Imana”.

Bivugwa ko ukekwaho icyaha yateye undi muntu bukeye bwaho kubera ko nabwo yari yarose amugirira nabi gusa kubw’amahirwe aramucika.