Umugabo yirahuriyeho umuriro nyuma yuko atangaje icyatumye abenga umukunzi we mbere w’umunsi w’ubukwe

Ku rubuga rwa Twitter, abantu bakomeje kugenda batangazwa n’umugabo umwe wo mu gihigu cya Nigeria, witwa Chinedu Ihekwoaba, nyuma yo kubenga umugore we amuziza kuba yasanze nyina yikuburira.

Chinedu kandi yakomeje kwibaza ukuntu abakobwa bakuriye muri icyi kinyajana nta mutima bagira ndetse n’uburere bwo kubaha abantu babaruta.

Yatangaje ko umubano we n’umukunzi we bendaga gushakana warangiye kubera ko yasanze mama we yikuburira mu gihe undi yari yicaye amurebera ntakumufasha.

Nkuko yabitangaje, ni uko umukunzi we yaje kumusura, yarangiza akanga gufasha umubyeyi w’umuhungu, bikarinda birangira akikuburira.

Yagize ati:” nabimenyekera ko tutazabana nyuma yuko aje kunsura agasanga mama akubura akanga kunufasha ahubwo akazamura amaguru ngo akubure munsi ye.”

Nyuma yo gutangaza aya magambo, yabaye nkuwirahuriyeho umuriro, abamukurikira ndetse n’abandi, bamubwiza ukuri bamushinza ubuhemu n’ubugwari bukomeye.

Umwe ati:” ese iyo uwo mukobwa ataza mama wawe ntiyari gukomeza gukubura? Ese ubundi wowe gukubura bigutera ikibazo?”

Undi ukoresha izina rya @mobest7 yagize ati:” wari wicaye mu rugo ntiwamufasha, iyo mama wawe aba yarakureze neza, ntibyari gutonganya amushyitsi aho gutonganya wowe wanze kumufasha.”