Umugabo yaturitse nk’igisasu ubwo yuriraga ipoto ifatirwaho umuriro ashaka guhima leta

Ku wa gatanu tariki ya 14 Ukwakira 2022, inkuru y’inshamugongo ku mugabo witwa Kofi Kakra, yiyahuye mu muriro w’amashanyarazi ngo kubera ibibazo yari afite byatumye mbere atangaza ko arambiwe ubuzima.

Uyu mushoferi wa bisi w’imyaka 24, yarifashe yurira ipoto rifatirwaho umuriro w’ahitwa Kasoa Galileya mu mujyi wa Accra mu gihugu cya Ghana.

Umugabo ngo yiyahuye ku muriro w’amashanyarazi kubera ibibazo by’ubukungu biri muri Ghana.

Bamwe mu babibonye bavuga ko yavuze ko arambiwe ubuzima. uyu mugabo yagaragaye yurira hejuru ku ipoto rinini yihuta cyane mu gihe abahisi n’abagenzi bageragezaga kumubuza arabyanga.