Social Mula
Tracy Agasaro umunyamakuru wa RBA na Rene umuririmbyi w’indirimbo zo kuramya no guhimbaza Imana basezeranye kubana akaramata kuwa 04 Ukuboza 2021 , bahishuye ko bakundanye mu buto , umuhanuzi akabasezeranya umwe afite imyaka 7 undi 13 .
Rene Patrick mu isezerano rigaragaza ko yashimye ubwiza akanashima imico ya Tracy kuva mu buto kandi ibyabo byari byarateguwe yagize ati : ” Wari ufite imyaka 7 mfite 13 , umuntu nakwita umuhanuzi aradusezeranya atabizi akoresha rido arayikwambika turasezerana . ”
Akomeza agira Ati : ” Nyuma y’imyaka 14 na 15 tutabonana sinakumenya ntiwamenya ariko Imana iraduhuza uko yabikoze uzi uriya munsi ibihe wari urimo n’ibyo nari ndimo turabizi twembi . ”
Yongeraho ati : ” Igituma ngiye gukoresha kino kimenyetso cy’uruziga rudahagarara ni uko wankunze ntacyo mfite uranyihanganira wemera amafuti yanjye nta yandi mahitamo ariho atari wowe kuri njye . “
