Umugabo w’imyaka 54 arashinjwa urupfu rw’umugore w’imyaka 24

Umugabo w’imyaka 54 yatawe muri yombi acyekwaho kugira uruhare mu rupfu rw’umugore w’imyaka 24 umaze iminsi yaraburiwe irengero ,bikaba ngombwa ko umuryango we witabaza inzego z’umutekano.

Umugore w’imyaka 24 witwa Maureen Gitau, usanzwe utuye mu gihugu cy’Ubwongereza ,ngo yaburiwe irengero mu mpera z’uyu mwaka tariki 5 Ukuboza 2022 ,ari nabwo bwanyuma abantu bamubonye ava mu rugo rwe ruherereye Evelyn Street, Lewisham.

Nyuma y’icyo gihe umuryango we waramutegereje uramubura biba ngombwa ko wiyambaza inzego z’umutekano, kuwa gatanu tariki 30 Ukuboza 2022 ,nibwo umugabo w’imyaka 54 ukekwaho kuba yarishe uyu mugore yatawe muri yombi kugirango hakorwe iperereza.

Ikinyamakuru Bbc dukesha iy’inkuru kivuga ko kugeza kuri ubu Police itarabasha kubona umurambo wa nyakwigendera ndetse ikaba isaba abaturage ko uwamubona yayimenyesha kugirango ashyikirizwe umuryango we.