Umugabo w’imusanze wahotoye umuvandimwe we yavuze icyabimuteye imbere y’imbaga y’abantu

Umugabo wo mu Murenge wa Busogo mu Karere ka Musanze, wari ukurikiranyweho kwica umuvandimwe we amuziza kuba ari iwe iwabo bahaye imirima myinshi, yabihamijwe akatirwa gufungwa imyaka 25.

Uyu mugabo, yahamijwe iki cyaha cyo kwica umuvandimwe we cyakozwe mu ijoro ryo ku itariki 04 Nzeri 2022.

Mu ibazwa rye, uregwa yemeye ko yishe umuvandimwe we ndetse ko yabitewe n’umujinya wo kuba nyakwigendera yari yarahawe imirima myinshi, gusa ngo yamukubise atabigambiriye.

Ubushinjacyaha bwari bwamusabiye gufungwa imyaka 25, ari na yo yemejwe n’Urukiko Rwisumbuye rwa Musanze rwasomye icyemezo cyarwo mu cyumweru twaraye dusoje tariki 13 Ukuboza 2022.