Umugabo wa kecapu ari mu kaga

Nyuma y’amezi makeya Kecapu wo muri filime ya Bamenya akoze ubukwe n’umugabo we , aba bombi bashyize hanze amafoto agaragaza ko uyu Kecapu atwite impanga kuri ubu biravugwa ko , umugabo wa kecapu atorohewe kuko hari umugore babyaranye mbere yo kumenyana na kecapu .

Amakuru avuga ko uyu mugabo wa Kecapu mbere yo kubana na we yari afite undi mugore babyaranye abana ,ndetse ubukwe bwabo bujya kuba uyu mugore akabimenya ngo yafashe umwanzuro wo kubwica abinyujije mu itangazamakuru gusa bikavugwa ko uyu mugabo yagiranye na we ibiganiro byatumye atabikomeza.

Bivugwa ko mu minsi ibanziriza ubukwe bwa Kecapu uyu mugore yari yemeye guha abanyamakuru amakuru yose y’uyu mugabo wa Kecapu babyaranye ariko bamuhamagara mu gitondo bakamubura.Bikaba byaratewe nuko yari yabanje kumvikana n’umugabo wa kecapu kubigira ibanga.

Uyu mugore atangaza ko yari yarumvikanye n’umugabo wa Kecapu kuzabigira ibanga ariko ngo kuri ubu ntibihagaze neza.

Kuri ubu ngo uyu mugabo wa Kecapu natagira icyo akora uyu umugore we wa mbere azabijyana mu itangazamakuru ngo kuko ngo ubundi buryo bwanze.