Social Mula
Darius Makambako ufite imyaka 30 ndetse n’umugore we w’imyaka 28 bifuje kugira umwana igihe kirekire gusa Dogiteri aza kubabwira ko umugabo adashobora kubyara. Aba bombi bakaba bari bamaze imyaka itandatu babana barabuze urubyaro.
Makambako ukorera polisi yo mu gihugu cya Tanzaniya, yaje kwegera mugenzi we bakorana witwa Evans Mastano w’imyaka 32 amuha ikiraka cyo kumuterera inda umugore we kuberako we byari byaranze.
Bitewe n’uko uyu Evans yari afite umugore kandi babyaranye kabiri abana beza b’abakobwa byatumye iki kiraka agitsindira byoroshye.
Makambako yishyuye Evans miliyoni z’ama shilingi ya Tanzaniya kugirango akore ako kazi kari karananiye Makambako, maze akajya aryamana n’umugore we gatatu mu cy’umweru igihe kingana n’amezi atandatu, aha hari muri 2016.
Akazi karatangiye maze Evans aragerageza uko ashoboye, inhsuro zigera kuri 75 zose ariko birangira akazi bamuhaye ko gutera inda kamunaniye kuko umugore atigeze atwita.
Amakuru avugako uyu mugore washakaga gutwita, byasabye ko asaba ikiruhuko cy’akazi kingana n’amezi atatu kugirango afate igihe gihagije cyo kuryamana n’inshuti y’umugabo we akaba n’umuturanyi mu buryo bwo kureba ko yamutera inda bakabyara akana kabo ka mbere, ariko uyu mugabo ananirwa kumutera inda.
Makambako nyuma yo kubonako Evans akazi kamunaniye, yasabye ko bajya kwa muganga muri 2017 kugirango barebe ko ari muzima, biza gutangazwa ko Evans nawe atabyara maze bagwa mu kantu gusa umugore wa Evans we ntibyamutungura kuko yababwiye ko abana babo atariwe se wabo ahubwo araba mubyara we witwa Edward.
Angela umugore wa Evans yagize ati “Nategetswe kuryamana na mubyara w’umugabo wange abana babiri nyuma yaho umugabo wange ananiwe kuntera inda imyaka ibiri igashira”
Ubu rero Makambako yajyanye Evans mu nkiko amushinja kwica amasezerano bityo agomba kumusubiza amafaranga ye.
