HARAGIRIMANA Dieudonne
Umufana w’ikipe ya APR FC ubarizwa mu bafana b’iyi kipe babarizwa i Musanze yashyizeho Inka ku mukinnyi wese watsinda igitego ku mukino iyi kipe ifitanye na Rayon Sports ejo.
Kuri uyu wa gatandatu tariki ya 17 Ukuboza 2022, harakomeza imikino y’umunsi wa 14 wa shampiyona uraba watangiye kuri uyu wa gatanu amakipe nka AS Kigali ndetse na Marine FC akina.
Ikipe ya APR FC iheruka gutsinda ikipe ya Rutsiro FC yakaniye cyane uyu mukino itifuza ko Rayon Sports yayigaranzura nyuma y’igihe kingana n’imyaka 2, Gikundiro itabasha kubona intsinzi imbere ya APR FC. Abafana ba Rayon Sports na APR FC bakaniye, bose bifuza ko ikipe zabo zabona intsinzi gusa abafaba ba APR FC bakomeje kugenda bategera abakinnyi babo ibintu bikomeye kugirango bazabashimishe.
Umufana witwa MATUJE ubarizwa muri Fun Club ya APR FC y’i Musanze yatangarije Radio Rwanda ko we ubwe yemereye abakinnyi ba APR FC Inka ku mukinnyi wese uzabasha gutsinda igitego kuri uyu mukino bazakinamo n’ikipe ya Rayon Sports. Uyu mufana avuga ko igitego cyose cya APR FC azagitangira Inka.
Umukino uri ku munsi wejo uzahindura byinshi ku rutonde rwa shampiyona mu gihe buri kipe imwe yatsinda indi ikaba yatsindwa.
