Umucunguzi wa Apr Fc wari utegerejwe na benshi yamaze kugera i Kigali mu ibanga rikomeye cyane

Nyuma yo gutangira shampiyona y’ikiciro cya mbere mu Rwanda nta mutoza mukuru ifite, kuri ubu umutoza mukuru w’ikipe ya Apr Fc yamaze kugera i Kigali mu Rwanda gukora akazi yasinyiye muri iyi kipe y’ibikombe byinshi mu Rwanda.

Ku munsi w’ejo hashize tariki 1 Nzeri 2022 nibwo umutoza mukuru wa Apr Fc, Mohammed Adil Erradi yageze mu Rwanda nyuma yo kumara hafi ukwezi iwabo.

Amakuru agera kuri YEGOB ni uko uyu mutoza yageze i kigali mu Rwanda ku munsi w’ejo hashize tariki ya 1 Nzeri 2022 ku isaha y’isaa sita n’iminota mike z’amanywa.

Uyu mutoza agarutse mu kazi nyuma y’uko yari yagiye iwabo mu biruhuko gusa ariko hari n’andi makuru avuga ko uyu mutoza yari yagiye gushaka ibyangombwa bimwemerera gutoza.

Adi yasubiye iwabo nyuma yo kongera amasezerano mu ikipe ya Apr Fc ndetse yagiye bamaze kumwerekana akaba agarutse gutegura ikipe ye igiye gukina na Monastir yo muri Tunisia.