Umubyeyi yishe umwana we kubera ibiceri 200

Umugore yatawe muri yombi azira kumena umutwe w’umwisengeneza we akanamujugunya mu muhanda, amuziza guta amafaranga 200.

Uyu mugore biravugwa ko ku itariki 12 z’uku kwezi yohereje uyu mwisengeneza we kugira ibyo amuzanira, maze akamuha amafaranga 200, mu kugaruka, uyu mwana agaruka atazanye ibyo bamutumye, ndetse n’amafaranga yayataye.

Uyu mwana akigera mu rugo amara masa, nyirasenge yafashwe n’umujinya maze amukubita icupa rya Coca-Cola mu mutwe, amuta mu muhanda avirirana bikomeye.

Inkuru ya Gistmania, ivuga ko uyu mwana yaje gutabarwa n’umugore witambukiraga mu muhanda, wamufashe akamuhanagura amaraso yari yahindanyije umubiri we.

Abaturanyi b’uyu mugore, bavuze ko yari asanzwe afata uyu mwana nabi, birimo kumukubita ku ntoki, ndetse no gukubita imyanye ye y’ibanga amuziza ko yanyaye ku buriri.

Uyu mugore yahise atabwa muri yombi na polisi, naho uyu mwana we ajyanwa kwitabwaho.