Umubare w’abanyampahanga APR FC yamaze kumvikana nabo wakanze abantu

Ikipe ya APR FC ishobora gusezerera abakinnyi batandukanye, igiye kugura abakinnyi bakomeye b’abanyamahanga.

Ku munsi wo kuwa gatanu tariki ya 23 Kamena 2023, ikipe ya APR FC yabonye umuyobozi mushya ugomba kuyobora iyi kipe nyuma yo gusezera kwa Afande Mubarakh Muganga. Iyi kipe kugeza ubu igiye kuyoborwa na Lt.Col Richard Karasira.

Nyuma yo gutangazwa kumugaragaro, uyu muyobozi yatangaje ko ikipe ya APR FC igiye gukomera kurusha uko yari imeze kandi ko igiye guhangana n’amakipe y’Abarabu apana amakipe yo muri Afurika y’iburazirazuba. Uyu muyobozi yatangaje ko APR FC igiye kugura abakinnyi bakomoka hanze y’u Rwanda bagera ku 7 cyangwa 8 bazafatanya n’abakinnyi b’abanyarwanda ariko nabo bakomeye.

Ikipe ya APR FC ishobora kuza ari ikipe iteye ubwoba umwaka utaha w’imikino bitewe n’ubu buyobozi bushya iyi kipe yamaze kubona. Umwaka utaha w’imikino iyi kipe izakina imikino ya CAF Champions League nyafurika nyuma yo gutwara igikombe cya Shampiyona sezo 2022/2023.