THIERRY Mugiraneza
Ikipe ya Manchester United yanganyije na FC Barcelona ibitego bibiri kuri bibiri mu mukino wa ¹/16 wa Europa League wabaye mu ijoro ryo kuri uyu wa kane ukabera kuri sitade ya FC Barcelona, Camp Nou.
FC Barcelona yari yaje mu irushanwa rya Europa League nyuma y’uko yari yananiwe Kubona itike ituma ikomeza muri Champions League. Manchester United yo yari yabaye iya kabiri mu itsinda yarimo muri Europa League.
Xavi wari mu rugo yari yabanje mu kibuga abakinnyi nka Ter Stegen; Koundé, Araújo, Marcos Alonso, Jordi Alba; Frenkie De Jong, Kessié, Gavi; Raphinha, Lewandowski na Pedri , waje kugira ikibazo cy’imvune agasohoka mu kibuga hakiri kare hakinjiramo Sergio Roberto.
FC Barcelona niyo yatangiye ifungura amazamu, ku munota wa 50 Marcos Alonso yatsinze igitego ahawe umupira na Raphinha.
Ten Hag we utarufite abakinnyi be ngenderwaho kubera ibibazo bitandukanye yari yabanje mu kibuga De Gea; Wan-Bissaka, Varane, Shaw, Malacia; Casemiro, Fred; Sancho, Bruno Fernandes, Rashford na Weghorst.
Manchester United nyuma yo gutsindwa igitego yatangiye gushaka uburyo bwo kwishyura maze ku munota wa 53 Marcus Rashford atsinda igitego ahawe umupira na Fred.
Manchester United yaje gutsinda igitego cya kabiri ku munota wa 59 kitsinzwe na Jules kounde.
FC Barcelona yaje gutsinda igitego cya kabiri gitsinzwe na Raphinha ahawe umupira na Jules kounde.
Umukino irangira impande zombi zinganyije ibitego bibiri kuri bibiri.
