THIERRY Mugiraneza
Ikipe ya Real Madrid yongeye gusubira Chelsea iyitsinda ibitego bibiri ku busa mu mukino wo kwishyura wa ¼ muri Champions League.
Real Madrid yari yatsinze ibitego bibiri mu mukino ubanza yari yaje Stamford Bridge nta kibazo na kimwe ifite.
Chelsea yari mu rugo yari yabanje mu kibuga abakinnyi barimo Kepa; James, Thiago Silva, Fofana, Chalobah, Cucurella; Kovacic, Gallagher, Kanté, Enzo Fernández na Havertz.
Real Madrid yaje gutsinda igitego cya mbere ku munota wa 58 gitsinzwe na Rodrygo ahawe umupira na Vinicius Jr.
Muzehe Ancelotti we yari yabanje mu kibuga Courtois; Carvajal, Militao, Alaba, Camavinga; Kroos, Modric, Fede Valverde; Rodrygo, Vinicius na Benzema.
Real Madrid yongeye gutsinda igitego cya kabiri, ku munota wa 80 na none ari Rodrygo ahawe umupira na Valverde.
Gutsinda kwa Real Madrid byatumye ikomeza muri ½ ku giteranyo cy’ibitego bine ku busa.
