Moïse Habanabashaka
Ubwumvikane bwabuze birangira bakuwe kurutonde rwabari kuzatarama mu gitaramo kiswe ‘Kigampala’.
Abari gutegura igitaramo cya ‘Kigampala’ bavuye ku izima bakura ku byapa byamamaza Butera Knowless ndetse n’itsinda rya Charly na Nina bari bavuze ko bazitabira iki gitaramo gitegerejwe i Kampala.
Ni nyuma y’uko mu minsi ishize byavuzwe ko aba bahanzikazi bashyizwe ku byapa byamamaza iki gitaramo nyamara batarigeze bumvikana n’abagiteguye.
Kuri ubu hamaze gusohoka andi mafoto yamamaza igitaramo atariho aba bahanzikazi, batigeze banasimbuzwa undi uwo ari we wese, Kugeza ubu igitaramo cya Kigampala giteganyijwe kubera i Kampala byatangajwe ko kizaririmbamo abahanzi bayobowe na The Ben.
Uretse The Ben hari Ykee benda, Cindy Sanyu, Lydia Jazmine, Levixone na Ray G .Biteganyijwe ko kizayoborwa n’abarimo MC Nario na MC Anita Pendo na bo bazaba baturutse i Kigali, Kigampala ni iserukiramuco ritegerejwe ku wa 17 Ukuboza 2022 mu Mujyi wa Kampala.
