Ubwicanyi bwafashe indi ntera! I Gasabo babyutse bahatoragura umurambo mu muhanda

Mu rukerera rwo kuri uyu wa Kabiri tariki ya 24 Ukwakira, Nibwo mu Mudugudu wa Ntora,Akagari ka Ruhango,Umurenge wa Gisozi,Akarere ka Gasabo, umugabo uri mu kigero cy’imyaka 25 yagaragaye yapfuye.

Uyu mugabo yasanzwe kunzira yapfuye mu gace gaherutse kwimuramo abantu batuye mu manegeka, gusa  umwirondoro we nturamenyekana kuko atari asanzwe atuye aho hafi.

Aya makuru yamenyekanye ubwo abadamu babiri bacaga muri ako gace bagatungurwa no kubona umuntu uryamye ku nzira bareba bagasanga yashizemo umwuka.

Aba baturage bahise batanga amakuru ku buyobozi, ubu nyakwindera yajyanwe gukorerwaho isuzuma ngo bamenye icyaba cyamwishe.

Ubuyobozi bushishikariza abaturage gutangira amakuru ku gihe no kutanyura muri ako gace mu masaha by’ijoro ngo kuko gashobora kuba kabamo abagizi ba nabi.