Philcollens
Ubuyobozi bwa Rayon Sports nyuma yo kubona ibyo bwakoze mu mukino ubanza byaratanze umusaruro bongeye gukora igikorwa gikomeye hakiri kare kugirango Al Hilal Benghazi izahure n’uruva gusenya
Ikipe ya Rayon Sports ikomeje kwitegura umukino wo kwishyura ari nako ihangana n’ibihuha bikomeye birimo kuvugwa kugirango hatazagira ikibazo na kimwe cyatuma iyi kipe ibura uko yakina imikino y’amatsinda.
Muri uko kwitegura iyi kipe ku munsi wejo kuwa kabiri yasubukuye imyitozo abakinnyi bari bafite ikibazo cy’imvune kugeza ubu nta numwe udahari. Mugadam Abakar Mugadam, Yousef Rharb ndetse na Hakizimana Adolphe Bose barahari nubwo benshi bari batewe impungenge n’imvune zabo.
Amakuru dufite avuga ko mu buryo bwo kwirinda ibirangaza abakinnyi ndetse nibyavugwa bindi, ubuyobozi bwa Rayon Sports bwateguye ko kuri uyu wa gatatu iyi kipe iratangira umwiherero nyuma yo kubona byaragize umumaro ukomeye ku mukino ubanza.
Ku mukino ubanza ikipe ya Rayon Sports yatangiye umwiherero ku munsi wo kuwa Kane nyuma yaho umutoza wayo ari we wari wabyisabiye ubuyobozi kubera ko we yizera abakinnyi be ko ari bakuru ntakintu kirangaza bajyamo.
