HARAGIRIMANA Dieudonne
Umukinnyi w’ikipe ya APR FC wayifashaga cyane Ishimwe Fiston yaraye avuye mu kibuga arimo kuva amaraso cyane mu mukino APR FC yatsinzwemo na Rayon Sports.
Ku munsi w’ejo hashize ku cyumweru tariki ya 12 Gashyantare 2023 ikipe ya Rayon Sports yari yakiriwe n’ikipe ya APR FC mu mukino utari woroshye ku mpande zombi mu kibuga ndetse no hanze yacyo.
Uyu mukino watangiye ikipe ya APR FC ifite imbaraga nke ku buryo abakinnyi b’ikipe ya Rayon Sports bakina mu kibuga hagati wabonaga ko bakora icyo bashaka bitewe ni uko umutoza Ben Moussa bashinja kwitsindisha yari yabanjemo Manishimwe Djabel wari umaze igihe adakina bivuze ko Ruboneka Jean Bosco na Bonheur bakinaga bonyine.
APR FC nyuma yo gutsindwa igitego igice cya mbere kikarangira gutyo, umutoza yaje kugaruka mu gice cya kabiri yashyizemo izindi mpinduka zirimo Ishimwe Fiston ndetse na Mugunga Yves ariko n’ubundi ntibyagira icyo bibyara umukino urangira ikipe ya Rayon Sports ibonye intsinzi yaherukaga nyuma y’imyaka 4.
Ishimwe Fiston wari wagiyemo asimbuye yaje kongera gusimburwa na Mugisha Gilbert kubera ko yahise akomereka cyane ku itako asohoka mu kibuga arimo kuva amaraso cyane ibintu bishobora kutaza korohera ikipe ya APR FC muri rusange ukurikije ukuntu uyu musore yinjiraga mu kibuga agahita ahindura ibintu ndetse agahesha intsinzi iyi kipe ye.
Ishimwe Fiston yafashije cyane ikipe ya APR FC mu mukino batsinzemo Kiyovu Sports Ibitego 3-2, yaje mu kibuga asimbuye ikipe zombi zimaze kunganya ibitego 2-2 arangije afata umupira yiruka imbere Nsabimana Aimable aza kumukoreraho ikosa bahabwa Kufura iterwa neza na Djabel iyi kipe ihita ibona igitego cya 3 cyanabahesheje intsinzi ariko cyagizwemo uruhare n’uyu musore.
Ikipe ya APR FC birayikomereye nyuma yo kubura uyu mukinnyi dore ko mu mukino ukurikira ho izakina na Etincelles FC nayo itajya iborohera mu mikino yose bakunze guhura bivuze ko Mugisha Gilbert ari we uzamusimbura ntihatagira igihinduka kuri iki kibazo cye yagize.
