Uburyo yifuzaga ko yashyingurwamo nibwo bwakurikijwe ashyingurwa: Iby’ingenzi mu byaranze umuhango wo gushyingura Pelé 

Uwafatwaga nk’Umwami wa Ruhago Edson Arantes do Nascimento wamamaye nka Pelé,yashyinguwe n’uruvunganzoka rw’abantu ku irimbi rya Necrópole Ecumênica.

Kuri uyu Kabiri muri Brésil mu mihanda ya São Paulo hari huzuyemo abantu bari bagiye guherekeza uyu Mukambwe ufatwa nk’Umwami wa Ruhago.

Uyu munyabigwi yabanje gusezerwaho mu muhango wabereye kuri Stade Urbano Caldeira ya Santos FC, ikipe Pelé yakiniye igihe kinini (1956-1974) ari n’aho yakoreye ibikorwa byinshi.

Pelé yashyinguwe mu irimbi rya Necrópole Ecumênica mu igorofa rya cyenda ari naho Se ashyinguye. Mbere yo gupfa yari yasabye ko yazashyingurwa mu igorofa rya cyenda kuko ariyo nimero Se yambaraga.