U Rwanda rwarezwe muri FIFA ku buryo rushobora kwisanga ruciwe umurengera w’amafaranga

Igihugu cy’u Rwanda cyarezwe mu ishyirahamwe ry’umupira w’amaguru ku isi FIFA nyuma y’amakosa yakozwe n’ubuyobozi bwayoboraga FERWAFA.

Hashize igihe kinini mu ishyirahamwe ry’umupira w’amaguru hano mu Rwanda FERWAFA havuzwemo gusinyana amasezerano n’uruganda rwambika amakipe atandukanye rwitwa MASTA ariko amasezerano ntiyubahirizwa kuko yari yasinywe mu buryo butemewe n’amategeko.

Amakuru YEGOB dukesha Radio 1 avuga ko kugeza ubu uru ruganda rwa MASTA rwamaze kujyana ikirego muri FIFA nyuma yaho FERWAFA yanze kubahiriza amasezerano bagiranye kubera ko ngo yasinywe na Muhire Henry mu ibanga abari bamuyoboye batabizi.

Biravugwa ko u Rwanda nyuma yo kuba rushobora gutsindwa uru rubanza rushobora gucibwa Milliyoni zirenga 3 z’amadorari zingana na Milliyari zirenga 3 z’amanyarwanda.