HARAGIRIMANA Dieudonne
Ni umunsi w’amakipe y’ibihangange muri ruhago y’u Rwanda , aho ikipe ya Rayon Sports na APR FC zigiye gucakirana kuri sitade ya Huye ndetse abakunzi b’amakipe yombi bakaba bamanutse ari benshi ndetse umunezero ubona ari wose .
Ukurikije amafoto n’amashusho byagiye bicaracara ku mbuga nkoranyambaga urabona abakunzi ba Rayon Sports na APR Fc bose bamanukanye ibyishimo i Huye ariko hakibazwa ni iyihe kipe iribuhe ibyishimo abakunzi bayo kuburyo bari bugarukane akanyamuneza nta kwicuza !?
Binyuze ku rubuga rwa twitter abantu batandukanye bakurikiranira hafi iby’umupira w’amaguru bagiye bagaragaza uko amakipe ashobora kuza gutsindana, uwitwa Gladiator yagize ati:” iyi match rayon irayitsinda 2-0″
Naho Mugembe we yagize ati:” APR 2-1 RAYON” , mu gihe uwitwa Nyiringoma yagize ati:” APR FC 1-3 Rayon Sports” , icyakora ukirikije ibiri kuvugwa ku mbuga nkoranyambaga urabona ko abenshi bari guha ikizere ikipe ya APR FC .
