Top 5: Dore urutonde rw’abakinnyi batanu bari guhembwa agatubutse muri uyu mwaka wa 2023, harimo umunyafurika umwe

Ni urutonde rwakozwe hashingiye ku mafaranga abakinnyi bazinjiza muri uyu mwaka, dore ko uru rutonde ruyobowe na Kizigenza Cristiano Ronaldo.

Cristiano Ronaldo kuri ubu ukinira ikipe ya Al Nassr, ayoboye abandi bakinnyi binjiza amafaranga menshi mu mwaka 2023, aho abarirwa miliyoni 200$.

Ikinyamakuru Forbes gitangaza ko muri aya mafaranga agera kuri miliyoni 140$ ari umushahara, mu gihe miliyoni 60$ aturuka mu bikorwa byo kwamamaza.

Mu ntangiriro z’uyu mwaka w’imikino 2022/23, iki kinyamakuru cyari cyatangaje ko Umufaransa Kylian Mbappé ari we uzinjiza menshi 128$ ndetse akuraho agahigo ka Ronaldo na Lionel Messi, gusa uyu Munya-Portugal yahise yerekeza muri Al Nassr, asubirana Umwanya wa Mbere.

Urutonde rwa Forbes rwerekana ko Ronaldo akurikirwa na Kylian Mbappé uzinjiza miliyoni 128$, Lionel Messi ku mwanya wa gatatu na miliyoni 120$.

Neymar Junior ari ku mwanya wa kane na miliyoni 85$ mu gihe Mohammed Salah ari we Munyafurika uri hafi ku mwanya wa gatanu na miliyoni 53$.