TMC wahoze muri Dream Boys yatunguriwe muri Leta Zunze Ubumwe z’America n’abarimo Princess Priscillah, Charly na Nina ndetse n’abindi byamamare (AMAFOTO)

TMC wahoze muri Dream Boys yatunguriwe muri Leta Zunze Ubumwe z’America n’abarimo Princess Priscillah, Charly na Nina ndetse n’abindi byamamare.

Mujyanama Claude wamamaye nka TMC mu itsinda rya Dream Boys kuri ubu uri kubarizwa muri Leta Zunze Ubumwe za Amerika, yakorewe ibirori byo kwizihiza isabukuru y’amavuko byitabiriwe n’abantu batandukanye biganjemo ibyamamare.

Ni ibirori byitabiriwe n’abahanzi barimo Princess Priscillah usigaye yarafashe izina rya Scillah mu muziki, Charly na Nina, Chistopher,Cedru, Emmy n’umugore we, Kitoko, Shaffy n’abandi.

Ibi birori byakurikiye igitaramo cya Christopher aba banyamuziki bitabiriye mu rwego rwo gushyigikira mugenzi wabo ku wa 23 Nzeri 2023.

TMC wizihizaga isabukuru y’amavuko ku wa 25 Nzeri 2023 asanzwe atuye muri Leta Zunze Ubumwe za Amerika muri Leta ya Arizona.

Uyu muhanzi wubatse izina mu itsinda rya Dream Boys, yerekeje muri Leta Zunze Ubumwe za Amerika muri Gashyantare 2020.

TMC yagiye muri Leta Zunze Ubumwe za Amerika kwiga, ibyatumye Platini Nemeye baririmbanaga atangira kwiririmbana kugeza ubu akaba asigaye akora umuziki ku giti cye.

AMAFOTO