HARAGIRIMANA Dieudonne
Umuhanzi Nyarwanda Mugisha Benjamin uzwi ku izina rya The Ben usigaye ukorera umuziki we muri Leta Zunze Ubumwe za Amerika ubu uri mu byishimo bikomeye nyuma y’aho yambitse impeta uwigeze kwitabira irushanwa rya Miss Rwanda Uwicyeza Pamela.
Uyu musore amaze iminsi akora ibitaramo mu gihugu cya Canada gusa nkuko bisanzwe The Ben uzwiho gukundwa n’abakobwa, aho muri Canada abakobwa bari bitabiriye ibyo bitaramo bari bamwishimiye cyane.
Mu bitaramo yagiye akorera aho muri Canada abakobwa bari biganjemo abanyarwandakazi n’abarundikazi bifuzaga kumukoraho mbega ubona ko batwawe.
Nyuma y’ibyo bitaramo The Ben yatangaje ko byari bigamije guteza imbere umuziki we ikindi kandi ngo yashakaga amafaranga azifashisha mu gukora ubukwe n’umukunzi we Uwicyeza Pamela, ubukwe bateganya gukora mu minsi igiye kuza.
