Teta Sandra na Lynda Ddane bateguje abakunzi babo mu gitaramo bazakorera i Kigali bavuga n’udushya tudasanzwe tuzagaragaramo

Teta Sandra na Lynda Ddane uri mu banyamakuru bakunzwe kuri NTV Uganda, akaba MC ndetse n’umu DJ ukunzwe bagiye gufatanya mu birori byo gusabana n’abakunzi babo i Kigali.

Lynda Ddane utegerejwe i Kigali kuri uyu wa Gatandatu tariki 5 Ugushyingo 2022, yiteguye gutaramana n’abakunzi b’imyidagaduro bo mu Mujyi wa Kigali mu birori ahuriramo na Teta Sandra.

Ni ibirori aba bakobwa bateguye mu rwego rwo kwifatanya n’abakunzi babo mu kwizihiza isabukuru y’amavuko cyane ko bose baherutse kwizihiza umunsi bavukiyeho mu minsi ishize.

Teta Sandra amaze iminsi mu Mujyi wa Kigali nyuma yo kuva i Kampala ari naho yamenyaniye na Lynda Ddane.

Igitaramo bahuriramo n’abakunzi babo gitegerejwe ku wa 5 Ugushyingo 2022, kikabera ahitwa Route 66 Kicukiro, kikaza gucurangamo abarimo DJ Fla na DJ Brek.