Ten Hag n’abasore be bahaye ubutumwa Pepe Guardiola utoza Manchester City

Ikipe ya Manchester United itozwa na Erik Ten Hag ikomeje kugaragaza ko ari umuriro wo kotera kure, Manchester United yongeye gushimangira ko amavugurura ya Ten Hag yahamye ubwo yatsindaga ibitego bitatu ku busa itsinda Charlton Athletic muri 1/4 cya Carabao Cup.

Manchester United ikomeje umujyo wo guhutaza uwo bahuye wese dore ko iyi kipe ubu imaze imikino 8 yikurikiranya gutsinda barabigize intego. Ten Hag n’abasore be bahannye Charlton Athletic ibitego bitatu ku busa muru 1/4 cya Carabao Cup.
Ten Hag yari yahisemo kubanza mu kibuga abakinnyi bari bamaze igihe batabona umwanya uhagije wo gukina abo barimo Heaton; Maguire, Martinez, Malacia, Fred, Dalot, Antony, Elanga,McTominay, Garnacho na Mainoo warukinnye umukino we wa mbere.
Ibitego bya Manchester United byatsinzwe na Antony ku munota wa 21 ahawe umupira na Fred.
Mu give cya kabiri Ten Hag yaje kuzana abasore be basanzwe bavanza mu kibuga barimo Casemiro, Eriksen na Marcus Rashford. Abo basore nabo ntibamutengushye kuko Rashford we ubwe yatsinze ibitego bibiri harimo icyo yatsinze ku munota wa 90 ahawe umupira na Facundo Pellistri ndetse n’icyo yongeye gutsinda ku munota wa 94 ahawe umupira na Casemiro.

Manchester United ifite ihurizo rikomeye ryo kwikiranura na Manchester City kuwa gatandatu saa munani n’igice Old Trafford mu mukino wa Premier league.